6 na patay, 6 sugatan sa sumabog na Bomba sa Basilan
Posted by MRDS Posted in Top Stories Wednesday, 01 January 2014 06:33
(Update) ZAMBOANGA CITY – Umakyat na sa anim ang nasawi habang anim na iba pa ang malubhang nasugatan kabilang ang ilang menor de edad sa madugong pagsalubong ng bagong taon dahil sa nangyaring malakas na pagsabog sa Sitio Fine Tree, Barangay Tumahubong, Sumisip, Basilan.
Kinilala ng pulisya ang lima sa mga namatay na sina Rey Limbin, Elbert Gomoba, Kitarul Kaddik, Leniebel Cisneros at si Lourdes Ablong.
Kabilang din sa limang mga nasugatan ay ang magkakamag-anak na sina Rining Dingcong, Janice Dingcong, Jesa Dingcong at ang pang pang mga menor de edad.
Batay sa ulat mula sa Sumisip municipal police station, nangyari ang pagsabog mag-alas-10:00 kagabi kung saan inilagay ang pampasabog sa may basketball court kung saan nagkataong nagsasaya ang mga residente habang naghahanda sa pagsalubong sa bagong taon.
Nangyari ang pagsabog ilang metro lamang ang layo mula sa bahay ng isang Wikwik Haison.
Sinabi ng pulisya na ang mga namatay ay nadala na sa isang punerarya habang ang mga sugatan at ginagamot ngayon sa magkahiwlaay na mga ospital sa Basilan.
Blangko pa ngayon ang otoridad kung ano ang motibo ng salarin o utak sa pagpapasabog.
Kasalukuyang nasa lugar ang mga tropa ng PNP at militar at kinukuha ang mga naiwang component na ginamit na pampasabog.
Layon din nito para alamin kung anong klaseng bomba ang ginamit para matukoy kung sino ang posibleng grupo na may kagagawan sa madugong insidente.
Samantala, sa Zamboanga City naging payapa ang pagsalubong ng bagong taon at walang napaulat na malalaking insidente.
Bagamat marami pa rin ang gumamit ng mga paputok kagabi lalo na sa mga malalayong barangay ng lungsod kahit ipinagbabawal ito base na rin sa inilabas na executive order ng lokal na pamahalaan.
Isa pa lamang ang naitalang biktima ng paputok.
Ang tinamaan ay isang pitong taong gulang na bata mula sa Barangay Labuan na nasugatan dahil umano sa paggamit ng piccolo na isa sa mga itinuturing na iligal na paputok ng mga otoridad. (MRDS)
– See more at: http://bomboradyo.com/news/top-stories/item/38082-5-patay-5-sugatan-sa-bomb-blast-sa-basilan#sthash.FBMaDA57.dpuf
http://bomboradyo.com/news/top-stories/item/38082-5-patay-5-sugatan-sa-bomb-blast-sa-basilan#sthash.
bomboradyo.com
Source:BOMBO RADYO – ILOILO